अमेजनले चार हजारभन्दा बढीलाई रोजगारी दिने

Read in 0.0 mintue

काठमाडौं ।

अमेरिकी बहुराष्ट्रिय कम्पनी अमेजनले बेलायतमा थप चार हजारभन्दा बढी रोजगारीका अवसर सिर्जना गर्ने जनाएको छ।

अमेजनले यस वर्ष बेलायतमा चार हजारभन्दा बढी नयाँ रोजगारी सिर्जना गर्ने योजना शुक्रबार सार्वजनिक गरेको हो। यो योजनाअन्तर्गत अमेजन राष्ट्रको १० ठूला निजी क्षेत्रका रोजगारदातामध्ये एक बन्नेछ।

कोभिड–१९ महामारीका कारण भएको लकडाउनको समय अनलाइन किनमेलमा फस्टाइरहेको अमेरिकी ई–कमर्स कम्पनीले बताएअनुसार पछिल्लो विस्तारले आफ्नो स्थायी जनशक्तिलाई ७५ हजारमा पुर्‍याउनेछ।

यो नयाँ योजना बेलायतभरिका लागि लागू हुनेछ। यस कम्पनीले उत्तरी इंग्ल्यान्डको गोन्स्ली र वेकफिल्डमा दुई नयाँ जनशक्ति भर्ति केन्द्रहरू खोल्ने तय गरेको छ।

यो काम सफ्टवेयर विकास, उत्पादन व्यवस्थापन र इन्जिनियरिङमा संस्थागत तथा प्रविधि कार्यहरूमा पनि हुनेछ।

बेलायतमा तीन वर्षमा यो योजनासहित ४० हजार नयाँ रोजगारीको सिजना गर्ने अमेजनले बताएको छ।

अमेजन बेलायतका कन्ट्री म्यानेजर जोन बोम्फ्रिजले भने, “स्वान्सीका सिकारुदेखि एडिनबर्गका डेटा वैज्ञानिकसम्म गरी हामी लेवीमा लगानी जारी राख्दै छौं।” यो घोषणा यस महिनाको अन्तमा अमेजनको दोस्रो त्रैमासिक आयभन्दा अगाडि आएको छ। -रासस/एएफपी

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

लोकप्रिय

सामाजिक संजाल

भर्खरै

छुटाउनुभयो कि ?